عبد الله بن محمد بن عبد الله الصبي(1301هـ - 1371هـ)شاعر عبقري من فطاحلة شعراء النبط من مواليد مدينة شقراءعام1301هـ وقد أخذ نصيبه من جميع أغراض الشعر المدح ،الهجاء,الحرب والغزل.
فهرس
|
من فخذ آل غيهب من قبيلة بني زيد القضاعية القحطانية.
نشأ يتيماً في مدينة شقراء بمنطقة الوشم وسافر إلى شرق الجزيرة العربية وبالتحديد إلى البحرين ثم الكويت بحثاً عن لقمة العيش وامتهن الغوص كغيره من أبناء بلدته ثم عاد إلى مسقط رأسة شقراء وتوفي فيها عام 1371هـ عن عمر يناهز سبعين سنة والجدير بالذكر انه لم يتزوج في حياته وكان رحمه الله من جند الملك عبدالعزيز بن عبدالرحمن آل سعودومن فرسانه المعروفين .
قال عن الحرب مع يحيى حميد الدين في اليمن عام 1351هـ قصيدة مطلعها:
أتغيشـم وانـا لـي ملحـظ ثانـي = واذخر القيل عندي لين جـا حلـه وان مشى الجمع دورنـي وتلقانـي = في ذرا بيرق ريمــــات يبـرن لـه ذيب يا اللي بخشم طويـق جيعـان = دوك الارزاق وجـرك للعـوا خلـه
وقال في معركة السبلةالمشهورة:
نحمد اللي عز ديــنه وصدق بـالوعد****والبس التوحيد ثوب من البيضا جديد وادرج القاله على راس خوان العهد****ربنا بالمخاليـــــــق يفعل مايريد ول عود ماتميــــز محمـــــد عن حمد****تدعي بالدين والدين عن مثلك بعيـد ياضعيف الجد والجند وضعيف الجهــــد****يامقلب مذهبه يالعنيد ابن العنيـد غادي قلبك بعمياه توه مابعـــــد****والف الدين الحنيفي ولاديّن وكيــــد شيخنا اللي درسك في حديــث المعتقد****وانت قبله ماتعرف الحديث من النشيد يوم اراد الله عليك المضرة والنكــد****وهقك(...)في لجة الحرب الشديـــــــد إنشد(...)عن حالهم يابو فهــــــد****جعلها حال عليهم اذا عادو تعيـــد كنهم بين العثامير والحــــزم الجلـد****في مداس الخيل يوم ادبروا حب الحصيـد في نهــار ذاهل والد عما ولــــــد****هودي عن دورة الحكـــم ياسودا لبيد لاتغرك شوشةالـ(...)ولو كثر العدد****مثل بردان التهامي تليـــم لين صيد
وأما عن موقعة تربه بين الاخوان وعبدالله بن الحسين الشريف قال في مطلع قصيدته:
نجد مطلبها على غير أبو تركـي صعيـب = يا محـاول حلهـا دونهـا قطـع الرقـــاب دونها خزام خشم الصعب سقـم الحريــب = درقة التوحيد والدار عـن هضـم الجنـاب
وقال مادحاً في قبيلته بني زيد:
لابتي سلة بني زيـد والطيـب ظهـــــر ** لاجت الضيقات مايظهر الا المستحيـــن لا احتزمنا والتوينا على مثل الزهر ** نقطع العشّيق من شوف موضية الجبيــن ضربنا بالراس والا على حـد الظهــر ** في عدو الدار تلقـا مضاربنـا تبيـن ياعمار بالمواسـم نعرضهـا الخطــــر ** والمنايـا والمقاديـر تكتـب بالجبيـن ياهنوف العين لباسـة الثـوب الحمــر ** لاتبين اللي ضحى الكون فعله مايبيـن ترّك اللي عند هيشان ربعـه ماظهــر ** يوم تكسير العزاوي وضرب المارتيـــن
واما في مدحه لمحمد الخاطر في الجبيل:
دن القلم ياديب قـم حـط مثلوم*** راس القلم في الحــبر خلـه يمضـه مض على ماترغب النفس بكظـــوم***واليا امتلى راسه من الحبر حضه أعنيك في مدحك محمد عن اللـــوم*** ماله عن الجـودا عـزوم تكظـه شيد لخاطر مفخـر العـز مزمــوم*** في بيت عز لاقضـى اللـه بقضـه يوم الهجوم ومشعل الحرب مضــروم*** يوم الحســا وجيوشـه المستلظـه صفق بجنحان السعد وادرج الحــوم*** واهوى على الجمـع الموالي وقضه
كان هناك خادم لمحمدالخاطر في الجبيل وقد اشترى من مبيلش (مشلح)أعطاه نصف قيمته وماطل في النصف الآخر وقال له متحديا :يقولون انك شاعر ولاتهمني فقال مبيلش:
يوم شفت النظا في الحــزم زلاف ** قلت :حي الركاب ومن تجيني بـــه هاضني واحد في كـور موجــــاف ** بين جيش الجماعه كنهـا الذيبــه قلت:من ذا لعله رجـل وسنافـي ** قالوا:إنه(...)قلـت :والخـيبـه كيف اباالجول يركب شهب الاكتاف ** جيش الاجواد ماهي من مراكيبـه باشق الصرصره منتوف الاطــراف ** لو يزوم العـلا عيـت عذاريبـه يامصقر طويـر المركـز الهافــي ** خل بومان في برجـه تلالـي بـــه لاتغـرك ردون اشلاحـه الوافــي ** والمعلم اونقش الزري في جيبــه والمعلـم وشـال فيـه سنجــاف ** طالع الحـال لاتعجبـك اساليبـه للمسيـر بـداره بنـدر دافـي ** من تردى نصيبه راح يمسي بـــه حسو الادناس مدهل كـل حـــواف ** طافحـات كلابـه فـي مغاريبــه عل من يارده لرهيـف الأسيــاف ** فوق جاله تلسـب بـه عراقيبـه ياهل الميز عدوا قـول الانصـاف ** كيف عند العرب مايدنسـه عيبـه والله انـي لعيـب العبـد كشـاف ** يامشاهيب نار العـار شبـي بـه
قال متغزلاً في فتاة قابلها وهو عائد إلى شقراء من شرق الجزيرة العربية:
البارحه ما احسب ورا صبحها صبح =وانا احسب الدنيا غدت كلهـا ليـل كل الليالي الماضيـه جابهـا ربــح =والبارحه راحت ابكـل المحاصيـــــل واثر الهوى له رغبة شبحها شبــح =عسر املاطم موجها يفتـر الحيـــــل فيها فتر حيلي وانـا جيد السبـح =من همها دونك اعظامـي نواحيـــــل كني عضيض الغلث خطر على النبــح =ينبح ليا ما شاف ضـوح المخاليـــل يالله من مركـوز الانهـاد لا تبـــح =حسبي على منسوع شقر المجاديـــــــل يحدني حد الجلايـب علـى الذبــــح =كما يحدون الكسايـب هـل الخيـــــل بدّل نباه الزين لي بالنبا القبح =عزم علـى حربـي ابليـا دواليـــل
ومن غزله:
ياهل العيـرات ودونـي مليحـه*وأجدعوني في المكان اللي تروده ضامر السرجاف مايبرا طريحــــه*كنها بيـض القميريـه نهـــوده واهني اهل القلوب المستريحــــه*مادروا بالحب وش هونه وكــوده
عندما عاد إلى شقراء وأراد ان يعيد بناء بيته قال:
ياحيسفا يادار ياللي غـدت قـوع = تلاوحوهـا بالعتـل والفـواريـع أطول خشبها قايسه مايجي بــــوع = واقصارها كنه عظـام الكراسيـع دار أولين كنهـا جحـر جربــــوع = نصف مديخيل ونصـف مطيليــــــع مانيب عن تصريف داري بممنــــوع = احطهـا حيشـان والا مرابـيـــع وابوخليل عويب الكـف والكـــوع = إن قلت عجل قال لااسمع ولااطيــع والله لولا الحبل مثنـي ومربــــوع = على السواعـد ليتيـن بتربيـــع لاقول :يـادلال بالسعـي منفـــوع = لي منك مجهودك ولك مني البيــــع
وقال عندما أعاد بناء هذا البيت واستنفذ ماعنده:
الفقر فوق جدار داري بنا دار = مستانس ماجاه منـي مناكيــر دار أولين كلها عـش وغبــــار = كن السحا فيها محامل عصافيـر وانا عميل شريم وشريم عيــــار = ياخذ قريشاتي حياله وتقميـر يبني بها بيت على جال مهيـــار = دار على القرشا خشبها جذامير
ويقول يصف ناقة اسمها(قليس)لإحد اصحابه:
هجت قليسه وهج الجيش قادمهــــا*لاكنها يوم هجـت هدهـد ماشـي كنه ليا اقفى مع الخبه يدرهمهـا*نيص مع الصبح يم الجحر منحـاش تخرقت عقب ها الطرشه مناسمهــــا*كن الحفا وصطهن خروقوشــاش