الهموم الإنسانية بالحروف الأبجدية
للشاعر سيد الموجى
يضم مجموعة من الرباعيات مرتبة حسب الحروف الهجائية
لوحة الغلاف للفنان عبد الرحمن النشار
رقم الايداع 8730 لعام 2000 م
من رباعيات الديوان
حرف الألف
ابنى سألنى يعنى إيه كافيار ؟
بسؤاله خلانى ارتبك واحتار
ملقتش عندى كلام أقولهوله
غير إنه نوع من أكل أهل النار !
حرف الباء
بياع بطاطا عجوز على الكوبرنيش
قربت منه ، همست له بشويش
فين الأحبة بتوع زمان ؟ ابتسم
وقاللى واقفين في طارور العيش
حرف التاء
تسلم إيديك وتعيش يا دود القز
وتلبّس الناس اللى عايشة في عز
أما انت بصراحة ماتلزمناش
يلزمنا دود تانى 00 بيزرع رًز !
حرف الثاء
ثعالب الصحراء بقوا كتير قوى
وموقفك يا عراق بقى خطير قوى
وناسنا دول في الشجب ناس عال قوى
ومش هاقول غير ربنا ع القوى !
حرف الجيم
جواكى " شجرة دُرّ " رعبانى
بترن صوت قباقيبها فى ودانى
ودليل جنونى إنى محتاجلك
وباحسّ إنى نُصّك التانى !
وتتوالى الحروف والرباعيات