الرئيسيةبحث

قصيدة محمد المرداسي في مدح الأمير عبد العزيز بن مساعد

أبيات للشاعر محمد بن إبراهيم المرداسي من قصيدة له في الأمير عبد العزيز بن مساعد بن جلوي عندما زاره مع أمير الربيعية عبدالله بن حمود البازعي عام 1330 هـ.

قصيدة بالأمير عبدالعزيز بن مساعد أمير القصيم السابق

من قصيدته بالأمير عبدالعزيز بن مساعد :

يقول ابن مرداس المسمى جوابٍ مثل نظم الدر غالي
بشيخٍ ماظهر في نجد مثله وحيشٍ ترتهب منه الجبالي
كريمٍ كل حيٍ قد عنا له يجونه من جنوب ومن شمالي
هو اللي طوع الجاسي يلين بحد السيف في حال القتالي
أبدعو وأمنو ياسامعين عسى الله مايخيب سؤالي
عسى من أبغضه يصبح حزين ويمسي لاحلال ولاعيالي
الا ياامير ياسقم الحريب حب الزين سم حالي
ورماني برمحٍ له شطير وسجن بالخفا وعزتالي
يبي ياامير طلباته يتمن وانا كفي من الدينار خالي
ولا اشكي حالي الا للمسمى ابن مساعد حامي التوالي
اليا جيتك يضيع الفكر مني وانا من قبل ما مثلي الحالي
علي مساطع الحاكم عسير يعذروني وثيقين الرجالي

أبيات من قصيدة ترحيبية بالملك عبدالعزيز:

ياسحابٍ جاء من الشرق له نيره شوف عيني بارق ويشعل اشعالي
ساقه اللي يعلم الخير والخيره في مقاديمه رعودٍ وزلزالي
هل وامطر لين ترس معابيره وكم هنوفٍ فارقت شوفة الغالي
بأمر ابو تركي مسيرة وتدبيره خالقه ربي على الضد غربالي

قصيدته اخرى بالملك عبدالعزيز عندما زار الربيعية:

سلام يا امام الهدى والسعادة كيف أنت يا انحاز العدى يا اصعب الراس
خلقك ربى رحمةٍ فى عباده ياسور نجد الله يخليك للناس
على القناصل والدول لك جلادة وعلى الصديق أحلا من القند بالكاس
أمام ما مثلك ظهر بالركاده عفيف ومحروس عن دروب الادناس
لعل من عاداك يعقر جواده ويسهج ادماغه كل قبا وعرماس
امام لا منه ظهر من بلاده كل القلم من كثر كتبه وقرطاس
المال سحت وحطك الله نفاده ياما عطت يمناك من طرم الاكياس
هذا على العادة وهذاك زادة وهذاك جابوا له حديدٍ وحباس
وهذا بخشم الطوب هدوا بلاده وهذا بحد السيف يضرب على الراس
وكم حلةٍ يا شيخ ترمى عماده صملان أهلها عقب الابلال يباس
يا حظ عين اللي نزلتوا بلاده عقب المحل تصبح بعزٍ ونوماس
واللي بقلبه ريبةٍ يا قراده انا بشيره يا ملكنا بالإفلاس

قصيده لمحمدالمرداسي بإبنه ابراهيم المرداسي ابو عدوان

السالفه ان ابراهيم المرداسي كان بالكويت والوالد كان بالربيعيه ابراهيم ارسل للوالد خط (رساله ) وهذي قصيده قالها الوالد بمناسبه الخط اللذي ارسله ابنه :

أهلا بخطٍ به سلامٍ وترحيب عدالنجوم وعد ماهب نسناس
خطك قريته يابراهيم اناغيب ياستر من قرنه على المتن محتاس
قلبك تدك به الهواجيس بالطيب ونيتك منتب ذاخرٍ يابن مرداس
أهلك ماقعهم بروس الشواذيب مامثلهم بالوصل عدمين الاجناس
وحنا مبركت النضا للمواجيب ماننطرالتالي يجي يصعب الراس

قصيده لمحمدالمرداسي بإبنه ابراهيم المرداسي ابو عدوان عندما كان بالحجاز

ياعلي انا مع اخوتك ماترديت وقرتهم يا اخو عزيز وكادي
اخذت شمخة المقاضب وشبيت وشريت حرٍ ماظهر له ملادي
ودي ابراهيم يجي ذايع الصيت على ظهر وجناً خطاها بعادي
ابي يمسك ماقفي يوم صديت ويعلم الطيب بغاية مرادي
واقول يابراهيم يامحمل البيت ترى اختك الجازي نحيلة فؤادي
والا منيرة كل ماصبحت وأمسيت ماغايبت عني ظبي الحمادي
واحشم طريفة هي وهيلة الى الفيت واصفط لهن واكحل عيون المهادي
وعساك كان انك لعمك تلاجيت حشمت أبو صالح انحاز المعادي
يحفظك ربي كل ماصبحت وأمسيت ويوصلك ربي طريق الرشادِ

قصيدته في أبنائه عبدالعزيز وعدوان

حيث كان عبدالعزيز بالكويت وعدوان بالدمام

يقول:

أمس الضحى نطيت في راس مرقاب خلوٍ من الاوناس بأرض بياحي
وأنجم الخيرات وأدير الأسباب متذكرٍ قلبي طيور الفلاحي
الطيبين اللي يعزون الاقراب متسلسلينٍ من شرابٍ قراحي
عبدالعزيز اللي حبيب للأحباب وللضد عاثورٍ بليا سلاحي
ما مهدن مثله عريبات الأنساب وما شفت مثله بالهدا والسماحي
وعدوان عيني تنكر النوم لا غاب نور البلاد وستر ظبي البياحي
ومن قال أنا مثله فأنا أقول كذاب عدوان مثل سهيل والجو صاحي
يا الله ياللي من ترجاك ماخاب تطوي سفرهم يامهب الرياحي
وصلاة ربي عد ما هل سكاب على محمد عد رمل البطاحي

قهوة ونارسمر وتمر وفضاء للخيال والشعر في الربيعية من ضواحي بريدة

عبدالله البازعي أمير الربيعية :

لا ضاق صدري قمت وأدنيت غمرين من الحصانة حيث ما فيه دخان

عبدالله الوني :

لا ضاق صدري قمت وأدنيت ثنتين ياماحلا باكوارهن شيل الأفنان

محمد المرداسي :

لا ضاق صدري قمت أصفق بالإيدين وأبكي على اللي نهدها طلع رمان
لاهمني دنيا ولا همني دين ياكود هو عن لذة النوم جزان

عبدالرحمن البازعي :

لاضاق صدري قمت وأدنيت فرخين وأجدد المكتب على كل ديان

رحمهم الله جميعا.

قصيدة محمد المرداسي بابنته هيله ام فهد

بحل مني والسعد يالحبيبه ومن أبغضك عساه للفقر والنار
وابنك فهد راع العلوم العجيبة الله يفكه من عواثير الأقدار
ياعل يبذر له ويعلق نصيبه وعساه دايم مع هل الخير حضار
سفر الحجاج وستر سمح الذويبه ابو حمد مثل النداوي اذا طار
لاجاب شي فرقه مادري به متسلسلٍ من ذروة الجود والكار
ومن أبغضه عساه يعطى المصيبة يرميه بالميدان علام الأسرار
وصلاة ربي عد ماومى عسيبه على محمد عد زخات الأمطار

روابط ذات صله

http://www.alriyadh.com/1094161