المصدر المفيد في غناء لحج الجديد/يا ليلة النور

متعوب منّكْ يا خِلِّي على شانَكْ شلّيت كم من باطلْ ليه تجفيني

عاني وصلتك با شربة من المبسمْ ظامي فما ماء الكاسات يرويني

قفّيت منّي في الموسمْ ونا صابرْ لما متى باتِرْحَمْ باتواسيني

عندكْ خبرْ كيف حالي يوم قالوا ما عاد لكْ بي رغبة باتلاقيني

أما أنا والنبي ما اسلى ولا اتْقَنّعْ لّما قِدِ المَوْلى يهديكم ويهديني

دوّرت مثلك في الدنيا ولا فيها يا سِيْدِي مَلا عيني لا هندي ولا صيني

عبدكْ أنا تحت أمركْ إيش جابوا لكْ عني خبرْ غاشك تِهْجُرْني وتقليني

لِيْلِيْ صفا في سَمَرْكم يا مِهَلّا يا ساجي الرّنا ليتك ليلة تناديني

ضاقت بي الدنيا ما عاد لي فيها راحة سوى لما ترضى وترضيني

يابوي قَهْري عليكم فين بالْقاكم لا جيت لا باب المحبوب رَدّوني

شفّيت بي يا قمرْ شعبان ذي ما فيهم رحمةْ وذي عندك كادوني ويشنوني

ياما بحالي منّكْ يا عسلْ صافي جُرْداني شفا وافي للقاصي وللدوني

ما كان مِنْكُمْ واجبْ يوم أنا صابرْ يا سِيْدي على مابي أذكركم وتنسوني

يا فلّ فاتِشْ شَذِي يا ريحة الكاذي بعد الجفا رِيتَكْ زارةْ يوم تدعيني